يرويها الفنان القدير

أ/ محمد محمود جبريل

   لقد كان فى قصصهم عبره

يرحم الله خالص النيه   العميد ثروت عطيه

ويعذب إسرائيل واللى يعاونها كمان خصوصا الأمريكان

لايعرفه أحد إلا أقربائه وأصدقائه أعرفكم به من أبطال أبطال حرب الإستنذاف وحرب أكتوبر1973 خدمت معه وهو نقيب مهندس نائب قائد الكتيبه ورئيس عملياتها وأنا كنت ملازم أول مديرعمليات بالكتيبه إعتدنا أن نسلم ونعيد على بعض كل يوم 6 أكتوبر وكل يوم 10 رمضان منذ أكثر من ثلاثين عام أنا وهو والعميد نسيم إبراهيم والنقيب محمد مخيمر عدا عام 2007 لم يرد على التليفون ولتلاهى الدنيا لم أعاود الإتصال ثم إتصلت يوم 6 أكتوبر2008 لترد علي زوجته بإستغراب لتخبرنى برحيله منذ عام ونصف وعذائى أننا جميعا سنرحل والدنيا تلاهى وغرتنا الأمانى أنا عرفت العميد ثروت وهو نقيب وأنا مجند بمركز الدفاع الجوى وباستلم تمام المحطات كانت كتيبته الوحيده اللى عمرى ما أستلمت أى عطل بها ولما خدمت معاه وأنا ضابط عرفت السر كان قائد محطه لكن خبير فى كل المحطات

   سأحكى لكم عده مواقف أتذكرها من مئات المواقف التى عشتها معه

* الموقف الأول : أصيب هوائى محطته جراء غاره إسرائيليه على الموقع (كان موته وسمه محطه تعطل) طلع على الهوائى بعد الغاره يصلحه وفجأه جت غاره ثانيه نزلنا الخنادق نادينا عليه أنزل يانقيب ثروت حتموت وهو يقول لكل أجل كتاب نقول أنزل يا نقيب ثروت فيقول الأعمار بيد الله(وفعلا مات بعدها بأكثرمن ثلاثين عام) لم أتمالك نفسى وهو فوق وقلت له أنزل بالأمر يا نقيب ثروت ضحك ضحكته البريئه وقال ملازم أول إحتياط بيأمر نقيب عامل المهم صلح الهوائى ونزل وقال لى شوف مادمت خالص النيه حتبقى ميه ميه

* الموقف الثانى : أصر على أن يكون بالكتيبه مسجد تقام به صلاة الجمعه قلت له بصفتى ضابط أمن الكتيبه أرفض هذا الإقتراح قال ده مش إقتراح يا حبيبى ده أمر وحضر نفسك عشان تخطب فيه الجمعه وعمل رسم هندسى  للمسجد يحميه من الغارات ويكون تحت الارض وبدون مأذنه مهندس بقى وخبير فى التمويه وبعد تشيد المسجد الذى اسس على التقوى من اول يوم قال لى شوف مدام انت خالص النيه حتبقى ميه ميه مارأيك قلت له تمام بس نقصه الطاقة اللى فوق المحراب والحمد لله كنا بنصلى فيه جميع الفروض وفى أحد الغارات على الموقع كنت نبطشى فى غرفة العمليات وبعد الغارة اتصل النقيب ثروت بى وقال لى اطمن مفيش اى خساير وعوزك بعد النوبتجية فى المسجد نصلى ركعتين شكر لله وخرجت من الغرفة ابحث عن اماكن الضرب فلم اجدها لقد جعل الله كيدهم فى نحورهم واطاش رميتهم ودخلت المسجد لاجده كما هو وأجد النقيب ثروت  يحمد الله وهو يبتسم فقلت لهه امال الضرب ده كله كان ليه؟ فقال الضرب ده كله عشان يفتحوا لك الطاقة اللى فوق المحراب اللى أنت طلبتها فنظرت فاذا شاظيه فتحت طاقه فوق المحراب شبه مدورة سبحان الله وتعالى عما يشركون اقسم بالله أن هذا حدث وليس خيال فنان 

* الموقف الثالث : يرحمه الله كان لامم الكتيبه حوليه وكنا نقول عليه انه ابن ناس جدع وراجل فى زمن الرجال فيه قليل بعد الثغره منعت عنا عربات أمدادنا بالمياه لأنها كانت هدف للطيران الإسرائيلى فقال النقيب ثروت ما تقلقوش أنا ح أتصرف وجمع قاده سرايا الكتيبه حول حفره تجمعت بها مياه السيل وأمر اثنين من الجنود بتنظيفها ثم إغترف غرفه بيده وشربها بعبلها وتبعه الجميع بدهشه شديده وقلنا ده ما طلعش أبن ناس وبس ده طلع ابن بلد كمان

* الموقف الرابع : بعد إتساع الثغره دخلت عليه غرفه العمليات لقيته بيرد على القياده وبيقول يافندم الظابط جبريل ما ينفعش .. عارف إنه ظابط أمن وإستطلاع بس العمليه ده محتاجه مهندس أسلحه وذخيره .. تمام يافندم بس لوحصل عطل مش حيعرف يتصرف .. أنا بعد أذنك يافندم ح أقوم بالمهمه ده وعرفت بعدها المهمه وهى إخلاء الكتيبه فى حاله تقدم القوات الإسرائيليه بعد السويس والزيتيه ويبق بالكتيبه ضابط يقوم بتلغيم وتدمير كل ما تبقى ولم يسحب وأصر على أن يكون هو ذلك البطل والحمد لله لابقى هو ولا أنا بفضل بطوله أبناء السويس البواسل بقياده المجاهد البطل الشيخ حافظ سلامه الذين عطلوا وبهدلوا وأنهكوا القوات الإسرائيليه وشغلوها ومنعوها من التقدم  والمره دى أنا اللى قلت له شوف مدام أنت خالص النيه حتبق ميه ميه

* الموقف الخامس : فى يوم باليل قبل الحرب هاجمنا السيل وبرغم من أننا كنا عملين حسابنا إلا أنه لاعبنا وغير إتجاهه قعدنا جميعا طول الليل نعمل لتحويل مساره بعيدا عن الملاجئ والمعدات والله لسه منظرالنقيب ثروت فى عنيه هو والنقيب أحمد بخيت وهما يخوضان فى الماء والوحل وظلت عيونهما حتى الصباح ساهره تحرس فى سبيل الله

               اللهم أعطهى خير الجزاء فى الفردوس الأعلى مع الصدقين والشهداء وحسن أولئك رفيقى

محمد محمود جبريل

أمين الجنه الفنيه والثقافيه جامعه عين شمس 1967

مقرر لجنه الإعاشه منظمه الشباب 1968 مهندس زراعى 1969

     ضابط إحتياط بالجيش المصرى حرب الإستنزاف وحرب رمضان أكتوبر 1973

     خبير بالمخطط الصهيونى دراسات فى الخداع والمكر والإجرام اليهودى باحث فى الوحشيه والنازيه الإسرائيليه

فنون مسرحيه 1979 دبلومه نقد فنى 1986 أمين صندوق نقابه المهن التمثيليه دورتان

فنان قديرمديرعام بوزاره الثقافه سابقا

http://mmgpryl.maktoobblog.com